पुण्यातील शिवाजीनगर न्यायालयात धक्कादायक घटना – न्याय न मिळाल्याने व्यक्तीची आत्महत्या
पुणे | शिवाजीनगर न्यायालय परिसरात नामदेव जाधव या व्यक्तीने आत्महत्या केल्याची धक्कादायक घटना घडली आहे. न्याय न मिळाल्याच्या मानसिक तणावातून त्यांनी हे टोकाचे पाऊल उचलल्याची माहिती समोर आली आहे.
मिळालेल्या माहितीनुसार, आत्महत्येपूर्वी नामदेव जाधव यांनी एक चिठ्ठी लिहून ठेवली असून त्यात त्यांनी संबंधित केसचा क्रमांक नमूद केला आहे. पोलिसांनी ही चिठ्ठी ताब्यात घेतली असून पुढील तपास सुरू केला आहे.
प्राथमिक तपासात असे समोर आले आहे की, साल २००० पासून त्यांची एक केस न्यायालयात प्रलंबित होती, आणि दीर्घकाळ न्याय न मिळाल्याने ते नैराश्यात गेले होते. त्यांच्या मृतदेहाला ससून रुग्णालयात हलवण्यात आले आहे.
या घटनेने न्याय व्यवस्थेबद्दल गंभीर प्रश्न उपस्थित झाले आहेत. न्याय मिळवण्यासाठी २४ वर्षांपासून लढा देणाऱ्या व्यक्तीच्या आत्महत्येने समाजात खळबळ उडाली आहे.
https://www.instagram.com/reel/DP06ktXD68k/?utm_source=ig_web_copy_link&igsh=MzRlODBiNWFlZA==
Share on WhatsApp