बिबट्याचा पोलिसावर हल्ला; कोल्हापूरमधील धक्कादायक घटना कॅमेऱ्यात कैद
कोल्हापूर | गेल्या काही दिवसांपासून पुण्यात बिबट्याच्या हल्ल्यांच्या घटना वाढल्या असतानाच, आता कोल्हापुरातूनही एक धक्कादायक घटना समोर आली आहे. शहरातील उच्चभ्रू वस्तीत असलेल्या हॉटेल वूडलँड परिसरात आज सकाळी बिबट्या घुसल्याने एकच खळबळ उडाली.
मिळालेल्या माहितीनुसार, बिबट्याने हॉटेलच्या गार्डनमध्ये उडी घेऊन तेथे काम करणाऱ्या माळीवर अचानक हल्ला केला. या झटापटीत दोघेजण जखमी झाले असून, बिबट्याला पकडण्यासाठी गेलेल्या वनरक्षकावरही त्याने हल्ला केल्याचे समजते.
घटनेची माहिती मिळताच, वनविभागाच्या पथकाने तातडीने घटनास्थळी धाव घेतली. सध्या बिबट्याचा शोध सुरू असून, तो शहरात नेमका कुठून आणि कसा शिरला याचा तपास सुरू आहे. या घटनेमुळे परिसरात भीतीचे वातावरण पसरले असून नागरिकांमध्ये चिंतेचे वातावरण निर्माण झाले आहे.
Share on WhatsApp