पुण्यात पहाटे पोलो कारचा अपघात, दोन तरुणांचा दुर्दैवी अंत
पुणे | रविवारी पहाटेच्या सुमारास बंडगार्डन मेट्रो स्थानकाजवळ एका पोलो कारचा अपघात झाला. या अपघातात दोन तरुणांचा मृत्यू झाल्याची माहिती पोलिसांनी दिली आहे.
मिळालेल्या प्राथमिक माहितीनुसार, पहाटे सुमारे पाचच्या सुमारास कारचा वेग जास्त असल्याने चालकाचे वाहनावरील नियंत्रण सुटले आणि कार रस्त्याच्या कडेला असलेल्या खांबावर जाऊन आदळली. अपघातात वाहनाचे मोठे नुकसान झाले असून, दोघांचा घटनास्थळी मृत्यू झाल्याचे पोलिसांनी सांगितले.
मृत तरुण हे पिंपरी-चिंचवड आणि यवतमाळ येथील रहिवासी असल्याची माहिती समोर आली आहे. बंडगार्डन पोलिस ठाण्याच्या पथकाने घटनास्थळी धाव घेऊन पंचनामा केला असून, पुढील तपास सुरू आहे.
