कोंढव्यात कचऱ्याचे साम्राज्य – जबाबदार कोण?
पुणे | कोंढव्यातील शिवनेरी लेन नं. ४ येथे प्रचंड प्रमाणात कचरा साचला असून नागरिकांना अस्वच्छतेचा आणि दुर्गंधीचा त्रास सहन करावा लागत आहे.
नगरसेवक म्हणतात “आम्ही काम केलंय”, तर प्रशासन सांगतं “आम्ही साफसफाई केली आहे”, पण प्रत्यक्षात रस्त्यावर कचऱ्याचे ढिगारे आणि अस्वच्छ वातावरण कायम आहे.
स्थानिक रहिवाशांचा आरोप आहे की, माजी नगरसेवकांनीही या प्रश्नाकडे दुर्लक्ष केलं, त्यामुळे परिस्थिती अधिकच बिकट झाली आहे.
दरम्यान, पुणे NCP (SP) चे उपाध्यक्ष छबिल पटेल यांनी या गंभीर प्रश्नावर आवाज उठवत म्हटलं आहे की, “कोंढव्याच्या लोकांना रोज कचऱ्याच्या आणि अस्वच्छतेच्या समस्यांना सामोरं जावं लागतं. प्रशासन आणि माजी नगरसेवकांनी या विषयावर तातडीने पावलं उचलली पाहिजेत.”
स्थानिकांचा प्रश्न स्पष्ट — “कागदोपत्री कामं झाली असतील, पण आमचं जगणं अजूनही कचऱ्याखालीच आहे!”
